Իսպանական «Բարսելոնայի»
պաշտպան Խերարդ Պիկեն Լա Լիգայի 32-րդ տուրի «Ռեալի» հետ հանդիպումից հետո
սկսել է ծաղրել հակառակորդին, հայտնում է «Չեմպիոնատ.ռու»-ն՝ հղում
կատարելով Marca-ին։
Պիկեն հիշել է այն մասին, որ
ներկայացնում է Կատալոնիան, որը միշտ էլ ցանկացել է առանձնանալ Իսպանիայից։
Նա «Արքայական ակումբի» խաղացողներին ասում էր. «Ութ միավոր, ութ միավոր։
Իսպանացիներ, մենք արդեն հաղթել ենք ձեր առաջնությունը, իսկ այժմ կհաղթենք
ձեր թագավորի գավաթը»։
«Ռեալի» խաղացողները, իրենց հերթին
պատասխանել են նրան. «Կտեսնենք, դու այդպես համարձակ կգտնվես, երբ հերթական
անգամ հայտնվես Իսպանիայի հավաքականի կազմում»։
|
