Գերմանական լրատվամիջոցների տեղեկատվության համաձայն, սպասվում է, որ Գերմանիայի հավաքականի հարձակվող Լուկաս Պոդոլսկին, այս մրցաշրջանի ավարտից հետո, կլքի Քյոլն ակումբը: Պոդոլսկին գոհ չէ իր ակումբի մրցելույթներից, քանի որ թիմը՝ ուժեղագույների մրցաշարը լքելու եզրին է կանգնած:

Գերմանական աղբյուրներն արդեն նշվում են երկու ակումբների՝ Միլանի և Դորտմունդի Բորուսիայի անունները, որոնք ցանկանում են իրենց շարքերում տեսնել Պոդոլսկուն: Այնուամենայնիվ, Միլանը, հարձակման գծում չունի ուժեղացման մեծ կարիք, մինչդեռ Բորուսիան, Լուկաս Բարիոսի հավանական տրանսֆերի պատճառով, ավելի շատ կունենա հարձակվող ձեռք բերելու ցանկություն: