«Լիվերպուլի» պաշտպան Ջեյմի Քարագերը, որն
Անգլիայի առաջնության 33-րդ տուրի «Արսենալի» դեմ խաղում խաղընկերոջ հետ
բախման արդյունքում կորցրել էր գիտակցությունը, հայտարարել է, որ իրեն լավ է
զգում:
«Ինձ հետ ամեն ինչ կարգին է: Ինձանից լավ
գիտեք, թե ինչ տեղի ունեցավ: Երբ տուն վերադառնամ, կդիտեմ այդ դրվագը, բայց
հիմա ինձ իսկապես գերազանց եմ զգում, չնայած չեմ հիշում բախման պահը: Սա
պարզապես այն պահերից մեկն է, որոնք պատահում են ֆուտբոլում:
Գլխավորն այն է, որ ես տեսա խաղավերջի
երկու 11 մետրանոցները: Ես մտածում էի, թե մենք արդեն պարտվեցինք, երբ գոլ
ընդունեցինք վերջում, սակայն ուրախ եմ վերջնական արդյունքի համար»,- ասել է
ֆուտբոլիստը:
|
