Գերմանիայի հավաքականի կիսապաշտպան Մեսութ Օզիլի տեղափոխությունը գերմանական «Վերդերից» իսպանական «Ռեալ» ճանաչվել է  2010/2011 մրցաշրջանում Եվրոպայի լավագույն տրանսֆերը:  «Ռեալը» խաղացողին ձեռք բերեց նախորդ տարվա օգոստոսին 15 մլն եվրոյով:  Տրանսֆերի լավագույն տասնյակը հրապարակել է  goal.com կայքը:

22-ամյա Օզիլն արագ դարձավ «Ռեալի» առաջատարներից: Նա մադրիդցիների կազմում 45 հանդիպում է անցկացրել, 10 գոլ խփել և դարձել 18 արդյունավետ գոլային փոխանցման հեղինակ: Ապրիլի 20-ին նա օգնեց «Ռեալին» նվաճել Իսպանիայի գավաթը:

Երկրորդ տեղը զբաղեցրել է «Չիվասից» «Մանչեսթեր Յունայթեդ» տեղափոխված Խավյեր Էռնանդեսը:  Երրորդ տեղում հայտնվել է հոլանդացի Ռաֆայել վան դեր Վարտը: Նա «Ռեալից» տեղափոխվեց  «Տոտենհեմ»: Չորրորդ հորիզոնականում հայտնվել է  Էդիսոն Կավանին' «Պալերմոյից»  «Նապոլի», հինգերորդում' Ռաուլը'«Ռեալից» «Շալկե»: