Թուրքիայի հավաքականի և Դորտմունդի «Բորուսսիայի» կիսապաշտպանը ամռանը կարող է հայտնվել Մադրիդում
Սահինը ծնվել է Գերմանիայում,սակայն ունի թուրքական արմատներ և հենց վերջինիս հավաքականում էլ հանդես է գալիս:
«Ռեալը» ամռանը կարող է ևս մեկ ֆուտբոլիստ ձեռք բերել գերմանական Բունդեսլիգայից (Նախորդ տարի Գերմանիայից Մադրիդ տեղափոխվեցին Սամի Խեդիրան և Մեսութ Օզիլը):Այս անգամ «Ռեալի նշանառության տակ է հայտնվել Բունդեսլիգայի առաջատարի կիսապաշտպան Նուրի Սահինը, հայտնում է Bild-ը:
Ֆուտբոլիստի պայմանագրում գործում է մի կետ, ըստ որի նա կարող է լքել Դորտմունդը եթե նրա համար վճարվի 6 մլն. եվրո,չնայած նույն լրատվականը նշում է, որ Սահինի տրանսֆերային արժեքը կարող է հասնել մինչև 13 մլն. եվրոյի:
Bild-ը նաև հայտնում է հնարավոր պայմանագրի մանրամասները, նշելով,որ 22 ամյա կիսապաշտպանի աշխատավարձը կարող է 2 անգամ գերազանցել ներկայիս աշխատավարձից (Սահինը Բորուսիայում տարեկան վաստակում է 1,4 մլն. եվրո): Այնտեղ նաև նշվում է Օզիլի և Սահինի մտերիմ ընկերության մասին և դա կարող է նպաստել այս տրանսֆերի իրագործմանը:
Վերջում նշենք նաև այն մասին, որ Նուրի Սահինի պայմանագիրը գերմանական ակումբի հետ գործում է մինչև 2013 թվականը:
Թուրքիայի հավաքականի և Դորտմունդի «Բորուսսիայի» կիսապաշտպանը ամռանը կարող է հայտնվել Մադրիդում
