«Հաղթելու բանալին թիմի միասնականության ու գավաթը նվաճելու մեծ ցանկության մեջ էր»,-նշեց Դի Մարիան:
Գավաթային
եզրափակչի գլխավոր գործող անձանցից երկուսը`Ռոնալդուն ու Դի Մարիան
հանդիպումից հետո բոլորի պես ցնծում էին: Պորտուգալացու համար սա շատ
ուրախալի հաղթանակ էր, քանի որ այս տիտղոսը չափազանց կարևոր էր թիմի համար:
Իսկ արգենտինացին հատկապես ընդգծեց թիմի միասնական ոգին ու հաղթելու մեծ
ցանկությունը, ինչի շնորհիվ էլ հասան իրենց նպատակին:
Ռոնալդուն,
որը «Ռեալին» շնորհեց 18-րդ Արրքայական գավաթը, խաղադաշտում 120 լարված
րոպեներ անկացնելուց հետո չէր թաքցնում իր մեծ ուրախությունը: «Սա անչափ
մեծ ուրախություն է մեզ համար: Այս գավաթը նույնքան կարևոր էր և մեզ համար,
և մեր մարզչի: Մենք շատ երջանիկ ենք, և այժմ հաղթանակի բերկրանքը
վայելելու պահն է»,-նշում է Ռոնալդուն: Պորտուգալացին հաղթական հանդիպումը
այսպես որակեց. «Չափազանց բարդ պայքար ծավալվեց, սակայն ով խփում է, նա
հաղթում է»: Ըստ Ռոնալդուի`հաջողության մեծ մասը Մոուրինյոնի շնորհիվ է. «
Նա շատ գրագետ աշխատանք է տանում թիմում ու շատ է օգնում մեզ: Մոուրինյոն
դրական լիքցեր է հաղորդում թիմին, ինչը միանգամից նկատվում է»:
Հանդիպման
գլխավոր գործող անձանց շարքում էր նաև Անխել Դի Մարիան որը նույնպես շատ
գոհ է այս նվաճումից ու հաղթանակը նվիրում է թիմի բոլոր երկրպագուներին. «
Գիտեինք, որ կարող էինք հաղթել և հասանք մեր նպատակին: Հաղթելու բանալին
թիմի միասնականության ու գավաթը նվաճելու մեծ ցանկության մեջ էր: Երանի
այսպես էլ շարունակվի, քանի որ այժմ թիմը համախմբված ու միասնական է ավելի
քան երբեք»:
|
