12:41 
15.04.2011
Մադրիդի "Ռեալի” հարձակվող
Քրիշտիանու Ռոնալդուն նշել է, որ երազում է Չեմպիոնների լիգայի եզրափակչում
հանդիպել իր նախկին թիմի` "Մանչեսթեր Յունայթեդի” հետ:
"Եթե դուք
հարցնեք ինձ` ինչ եմ ամենից շատ ցանկանում ներկա պահին, ապա իմ պատասխանը
կլինի հետևյալը` Չեմպիոնների լիգայի եզրափակչում մրցել "Մանչեսթեր
Յունայթեդի” հետ, - Ռոնալդուի խոսքերն է մեջբերում The Telegraph-ը, - ես
շատ կցանկանայի խաղադաշտում հանդիպել նախկին թիմիս հետ, որտեղ լավ ընկերներ
ունեմ, ում հետ փորձում եմ լավ հարաբերություններ պահպանել: Ես "Մանչեսթեր
Յունայթեդում” 6 տարի եմ անցկացրել, ինչը քիչ չէ: Սակայն ներկա պահին
դրանք ընդամենը երազանքներ են, քանի որ նախ "Ռեալը” պետք է կիսաեզրափակչում
հաղթի "Բարսեոլոնային”: "Ռեալը” և "Բարսելոնան” այս պահին աշխարհի
լավագույն թիմերն են, սակայն պայքարը կշարունակի միայն մեզանից մեկը: Ես
դեռ հիշում եմ այս մրցաշրջանի սկզբում կատալոնացիներից կրած պարտությունը և
ես լավ գիտեմ, թե ինչ է վրեժի զգացումը: Պետք է միայն հավատալ, որ ամեն
ինչ հնարավոր է, և այդ ժամանակ երազանքներն իրականություն կդառնան”:
Հիշեցնենք, որ "Ռեալ”-"Բարսելոնա” առաջին կիսաեզրափակիչ հանդիպումը կայանաու է ապրիլի 27-ին Մադրիդում:
Լուսանկարը` Getty Images-ի
|
