"Ռեալը” պաշտոնապես հայտարարել է, որ պատրաստվում է պատասխան բողոք ներկայացնել ՈւԵՖԱ-ի կարգապահական կոմիտե:
"Իմանալով
"Բարսելոնայի” աննախադեպ որոշման մասին, համաձայն որի նրանք պատրաստվում
են պաշտոնական բողոք ներկայացնել ընդդեմ "Ռեալի” գլխավոր մարզիչ Ժոզե
Մոուրինյոյի, մեր ակումբը որոշել է պատասխան բողոք ներկայացնել
"Բարսելոնայի” ֆուտբոլիստների ոչ մարզական պահվածքի համար, քանի որ
վերջիններս անընդհատ փորձում էին սիմուլյացիայի միջոցով արժանանալ մրցավարի
աջակցությանը և, մասնավորապես, ստիպեցին նրան սխալ որոշում կայացնել`
հեռացնելով "Ռեալի” պաշտպան Պեպեին:
Զարմանալի է, որ
"Բարսելոնայի” ոչ մարզական պահվածքը, որի հետևանքով մրցավարն անարդար
որոշումներ կայացրեց, հանգեցրել է Ժոզե Մուրինյոյի դեմ բողոքի, ով ընդամենը
իր կարծիքն էր հայտնել` ունենալով ազատ խոսքի իրավունք: Մոուրինյոն չէր
համաձայնվել հակառակորդի մեթոդների հետ, քանի որ վերջիններս գործում էին
"ամեն ինչ հանուն հաղթանակի” կարգախոսով` խախտելով ՈւԵՖԱ-ի կողմից
սահմանված արդար խաղի կանոնները: "Ռեալը” լիովին աջակցում է իր մարզչին”, -
ասվում է "Ռեալի” պաշտոնական կայքում տեղադրված հայտարարության մեջ:
