Արդեն տեղեկացրել էինք, որ արաբական «Royal Emirates Gruop» ընկերությունը, որի նախագահը Շեյխ Բուտի Բին Սուխաիլ Ալ Մակտումն է, մտադիր է գնել իսպանական Լա Լիգայում հանդես եկող թիմ: Ձեզ էինք փոխանցել նաև, որ կասկածներ կային, թե այդ թիմը լինելու է Սարագոսան: Սակայն, արաբական այդ ընկերության մի ներկայացուցիչ, Reuters-ին տված հարցազրույցում բացահայտել է, որ խոսքը Խետաֆե ակումբի մասին, որի բաժնետոմսերը գնվելու է 90 միլիոն եվրոյի դիմաց:

Նա հայտնել է նաև, որ պաշտոնական հայտարարություն կլինի վաղը Դուբայում, որին ներկա կլինեն Դուբայի արքայական ընտանիքի անդամներ, սպորտի նախարարը, ինչպես նաև Իսպանիայի դեսպանը:

Հավելենք, որ Իսպանիայի Պրեմիեր լիգայում Խետաֆեն կլինի երրորդ ակումբը, որը կունենա այլազգի սեփականատերեր: Հիշեցնենք, որ Մալագա ակումբը վերջերս է գնվել Քաթարի արքայական ընտանիքի կողմից, իսկ Ռասինգը՝ պատկանում է հնդիկ գործարարի:

Հետաքրքիր մեկ փաստ ևս. խոսվում է, որ հավանական է գնվելիք ակումբը, տվյալ դեպքում արդեն Խետաֆեն, ստանա Dubai Team անվանումը: