ԲԱՐԵԳՈՐԾՈՒԹՅՈՒՆ՝ ԱՌԱՋԻՆ ԻՍԿ ՀՆԱՐԱՎՈՐՈՒԹՅԱՆ ԴԵՊՔՈՒՄ- 21-ամյա Մխիթարյանը, ով լսելով չէ, որ գիտի մանուկ հասակում առանց հայր մնալու դժվարությունների մասին, իր առաջին հաջողություններից վաստակած գումարից որոշեց մաս հատկացնել հենց արցախցի ազատամարտիկների ընտանիքներին: Նա նախաձեռնեց այս այցը, որի նպատակներից էր Արցախի զոհված և հաշմանդամ ազատամարտիկների ընտանիքներին հյուր գնալն ու նվերներ մատուցելը: «Հիանալի է, որ կա նման երիտասարդ, որը հանդես է գալիս այսպիսի նախաձեռնությամբ, սակայն  պետք չէ սա բարեգործություն համարել: Նման միջոցառումներին աջակցելը յուրաքանչյուրիս պարտքն է»,- Հենրիխի նախաձեռնության մասին Ստեփանակերտում հայտարարեց ՀՖՖ նախագահ Ռուբեն Հայրապետյանը:

ՀԱՆԴԻՊՈՒՄ ՆԱԽԱԳԱՀԻ ՀԵՏ – Իսկ մինչ այդ Հայաստանի այցելած ֆուտբոլային պատվիրակությունը հանդիպում ունեցավ Լեռնային Ղարաբաղի Հանրապետության նախագահ Բակո Սահակյանին և քննարկվեցին Արցախում ֆուտբոլի զարգացման հետ կապված հարցեր: Առանձնահատուկ ուշադրություն դարձվեց պատանիների շրջանում այս մարզաձևի մասսայականացմանը: Այցի ընթացքում տեղի ունեցավ հանդիպում ԼՂՀ ֆուտբոլի ֆեդերացիայի նախագահ, Ազատամարտիկների միության նախագահ, Արցախյան  ազատագրման շարժման հերոս Սամվել Կարապետյանի հետ և քննարկվեցին համագործակցության հեռանկարները:  Պարոն Կարապետյանը իր և զոհված աղատամարտիկների ընտանիքների անունից շնորհակալություն հայտնեց Հենրիխին, և պարգևատրեց «Հայրենաց պաշտպան» շքանշանով։

ԱՐՑԱԽԻ ՖՈՒՏԲՈԼԸ ՎԵՐԱԿԱՆԳՆԵԼՈՒ ՀԵՌԱՆԿԱՐՆԵՐ – Ֆուտբոլային պատվիրակության հետ միասին Արցախ մեկնած մարզական լրագրողների խումբն այս այցի շնորհիվ  հնարավորություն ստացան հանդիպել Արցախի ֆուտբոլի ֆեդերացիայի ղեկավարության հետ, տեղում ծանոթանալ Արցախի ֆուտբոլային խնդիրներին և քննարկելու տեղի ֆուտբոլային համբավը վերականգնելու ծրագրերը:

Ստեփանակերտ կատարած այցի վերաբերյալ լուսանկարներ մեր կայքում կտեղադրվեն շուտով:

Мне нравится

Отметки "нравится": 1058. Регистрация, чтобы посмотреть, что нравится Вашим друзьям.