|
Daily Mail-ի տեղեկությունների համաձայն, Մանչեսթեր Սիթիում
անհանգստություն է տիրում տիրում, քանի որ մեծ է հավանականությունը, որ
հասունանում է այն պահը, երբ թիմի ավագ Կառլոս Տևեսը կպահանջի իրեն
տրանսֆերի հանել:
Անհանգստանալու պատճառ նրանք ունեն, քանի որ այժմ Տևեսը գտնվում է
Միլանում և կարծիք կա, որ արդեն բանավոր պայմանավորվածություն է ձեռք բերել
Ինտերի ղեկավարության հետ, որպեսզի մրցաշրջանի ավարտից հետո տեղափոխվի այդ
թիմ: Աղբյուրը հաղորդում է նաև, որ արգենտինացի հարձակվողը Միլան է
մեկնել, որպեսզի բուժզննում անցնի այնտեղ և հետաքրքիրն այն է, որ իր
ընկերուհու հետ մնում է հենց այն հյուրանոցում, որտեղ գտնվում են նաև
Ինտերի ֆուտբոլիստները, որոնք պատրաստվում են այսօր կայանալիք Լացիոյի հետ
հանդիպմանը:
Իտալական լրատվամիջոցներն էլ իրենց հերթին նույնպես հաստատում են, որ
բանավոր համաձայնություն կայացել է Տևեսի ու Ինտերի միջև և այժմ միլանյան
ակումբը պատրաստվում է ֆուտբոլիստի տրանսֆերի համար մի կլորիկ գումար
առաջարկել Սիթիին:
|
