«Չելսիի» իսպանացի հարձակվող Ֆերնանդո Տորեսը մեկնաբանել է  իր առաջին գոլը լոնդոնյան ակումբում:

«Մինչև առաջին գոլ խփելը ամբողջ 14 հանդիպում անցկացրեցի: Ես բոլորովին չէի մտածում, որ ստիպված կլինեմ այդքան երկար սպասել: Շնորհակալ եմ երկրպագուներին, ովքեր համբերատար էին և ինձ աջակցեցին: Հիմա ինձ համար ավելի հեշտ կլինի և այդքան չեմ լարվի խաղալիս: Կարծում եմ, որ կհաջողվի «Չելսիին» արժանիորեն ավարտել մրցաշրջանը: Ցանկանում եմ հավատալ, որ դեռ շատ գոլեր խփեմ»,-ասել է Տորեսը:

Հիշեցնենք, որ Տորեսը «Լիվերպուլից»  «Չելսի»  տեղափոխվեց այս տարի հունվարի 31-ին 50 մլն ֆունտով: Իր առաջին գոլը նոր թիմի կազմում նա միայն ապրիլի 23-ին խփեց «Վեսթ Հեմի» խաղում (3:0):

Աղբյուր' soccer.ru