Խորխե Վալդանոն ներկայիս մրցաշրջանում «Ռեալի» ցուցադրած խաղում առաջընթաց է նկատում, սակայն ըստ ակումբի սպորտային տնօրենի`իրենք ուզում են գերազանց աստիճանի հասնել:

«Մինչև այժմ մենք գովեստների շատ ենք լսել, սակայն ուզում ենք գերազանց գնահատականի արժանանալ: Երկրպագուները լավ գիտեն, որ իրենց սիրելի թիմը պրոֆեսիոնալ աշխատակազմ ունի: Երիտասարդ ֆուտբոլիստները թարմություն և ապագայի հանդեպ վստահություն են բերում կազմ»,-նշել է Վալդանոն:

Վալդանոն կարծում է, որ ներկայիս դրությամբ «Ռեալը» կրկին շատ մոտ է «Բարսելոնին» բոլոր առումներով: «Այն «Բարսելոնը», որը մեզ հաղթեց 5-0 հաշվով, իր լավագույն մարզավիճակում էր գտնվում: Իսկ այն «Ռեալը» դեռ կազմավորման ճանապարհին էր և վստահության կարիք էր զգում»,-ընգծեց Վալդանոն:

«Թիմերի գլխավոր մարզիչները շատ մեծ աշխատանք են տանում այս դժվարին հանդիպումներին ընդառաջ և բոլորի ուշադրության կենտրոնում են: Սա կարելի է նորություն համարել ֆուտբոլային աշխարհում: Մարզիչների շուրջը ավելի մեծ աղմուկ է պտտվում, քան ֆուտբոլիստների, չնայած դաշտում են այնպիսի աստղեր, ինչպիսիք են Ռոնալդուն ու Մեսսին»:

«Մոուրինյոն ու Գվարդիոլան հեղինակավոր ու մեծ անհատականության տեր մասնագետներ են, այդ իսկ պատճառով հանդիպումներից առաջ «կարևոր գործող անձանց» ցանկում են հայտնվում»,-բացատրեց Վալդանոն`հրաժարվելով թիմերից մեկին առանձնացնել որպես ֆավորիտ: «Ֆուտբոլում պատկերացումները շատ արագ են փոխվում: Ոչինչ չես կարող հաստատապես պնդել»:

«Ռեալը» «Բարսելոնի» դեմ խաղալու է բարձր մակարդակով և հարգալից կերպով: Հուսով ենք`նրանց կողմից կարժանանք փոխադարձ հարգանքի»: Վերջում Վալդանոն խոսեց նաև Ինյեստայի բացակայության մասին. «Անցած չորեքշաբթի Ինյեստան այն ֆուտբոլիստն էր, որ ամենամեծ թվով վտանգներն էր ստեղծում մեզ համար երկրորդ խաղակեսում»: