«Արսենալի» գլխավոր մարզիչ Արսեն Վենգերն Անգլիայի առաջնության 34-րդ տուրի «Բոլթոնի» հետ խաղից հետո (1:2) խոստովանել է, որ մրցաշարում հաղթելու հնարավորություն թիմը համարյա չունի:

«Չեմպիոնության հնարավորություններ համարյա չեն մնացել: Դա հաստատ է: Բայց մենք միևնույն է պետք է շարունակենք պայքարել»:

 «Ես հիասթափված եմ: Մեկ շաբաթում մենք պետք է ինը միավոր վաստակեինք, բայց կարողացանք ստանալ միայն երկուսը: Այդպիսով, մենք, կարելի է ասել, որ մեկ շաբաթում վատնեցինք ամբողջ մրցաշրջանը»:

«Եթե ինչ-որ մեկը մեղավոր է այդ արդյունքի համար, դա ես եմ: Այդ ես եմ հավաքել թիմի կազմը: Ֆուտբոլիստներն աչքի ընկնող մրցաշրջան անցկացրին, նրանք ոչնչում մեղավոր չեն»:

«Մրցաշրջանն անբավարար կարելի է համարել: Երկար ժամանակ մենք հնարավորություն ունեինք տիտղսոի համար պայքարել, բայց մենք դա  օգտագործեցինք: Ափսոս, որ այդպես ստացվեց, չէ որ թիմն ահռելի ներուժ ունի: Որոշիչ պահերին մեզ փորձը և սառնասրտությունը  չբավականացրեց»:

 «Եթե դուք ինձ համոզեք, որ իմ սկզբունքները ճիշտ չեն, ես պատրստ եմ դրանցից հրաժարվել: Մեր թիմը լավ ֆուտբոլ է խաղում: Բայց հասկանալի է, երբ թիմդ չի հաղթում, քո սկզբունքները կասկածի տակ են առնվում: Անհրաժեշտ է վերլուծել' ինչն եմ ես ճիշտ արել, ինչը' ոչ:»

 «Մրցաշրջանի ընթացքում մենք անկայուն էինք խաղում պաշտպանությունում: Դա մեր խնդիրն է: Այս շաբաթ մենք վեց գնդակ բաց թողեցինք երեք խաղերում և, ըստ էության, զրկվեցինք առաջնությունը հաղթելու հնարավորությունից»:

«Այսօր, երբ հաշիվը դարձավ 1:1, մենք հնարավորություն ունեինք այն դարձնել 2:1 և 3:1: Մենք շատ ֆիզիկական ուժ վատնեցինք և ի վերջո չկարողացանք վերջին րոպեներին պահպանել կենտրոնացվածությունը»,-Վենգերի խոսքերն է մեջբերում «Արսենալի» պաշտոնական կայքը:

Լուսանկարը` getty images-ի