Բարսելոնայի առաջատար ֆուտբոլիստ Խավին գտնում է, որ իր թիմը արժանի էր
Ռեալի նկատմամբ տոնած հաղթանակին: Նա նաև անդրադարձել է Պեպեի հեռացմանը՝
նշելով, որ նա արժանի էր կարմիր քարտի:
«Պեպեի հեռացման արդարացիությունը կասկածից վեր է: Այդպիսի կոպիտ
գործողություններն անընդունելի են: Բացի այդ, Բարսան ավելի լավ էր խաղում և
համարվում է այդ խաղի արժանի հաղթողը: Նրանք միայն շահարկում էին խաղը և
չէին ցանկանում ֆուտբոլ խաղալ: Նույնը կարող եմ ասել նաև Իսպանիայի գավաթի
եզրափակչի վերաբերյալ: Ինչ վերաբերում է Մոուրինիոյին, ապա ես չեմ
ցանկանում խոսել նրա մասին»,- մեջբերում է Խավիի խոսքերը AS-ը:
